RSS

Our Revolution

08 Feb

السلام عليكم ورحمة الله وبركاته

في الأول اقول اني هتكلم في الموضوع دا عن الأحداث اللي بتحصل من وجهة نظري انا و اللي انا شايفها مع الأختلاف او التأييد من الوجهات النظر الأخري و التي احترم بعضها

ولا احترم البعض الأخر لأسباب منها انهم اشخاص لما يتذوقو طعم الحريه من قبل ولا يثدرون وجهات النظر الأخري مع اقتناع بعضهم ان رأيه ليس صحيح ولكنها الماكبره

والأصرار علي اقنع الغير بوجهة نظره ليكون مختلف عن الأخرين ليس اكثر او اقل انما ليست وجهة نظر عن اقتناع …  لنبدأ

 

اولا ::::: كلنا خالد سعيد

جميعنا يعلم ان له الفضل في بداية هذه الثوره وانا اقول له الفضل بعد ما اتهمه الجميع بالخيانه  والعماله وانه من المدسوسين وانه من الذين اخذو كورس ديمقراطيه

في امريكا من اجل قلب نظام الحكم كما قال بعض الملاعين فهو رجل من اشرف شباب ومن انجبتهم مصر و انه ليس مدفوعا من بلاد تهدف اللي استهداف وتخريب مصر

انما من حبه لمصر فعل كل هذا من اجل وطنيته وحبه الشديد لبلده فعل هذا من اجل مستقبل افضل لبلاده ….. من هوا ادمن كلنا خالد سعيد  ؟؟

هوا ::: وائل غنيم .. من هوا وائل غنيم ؟

وائل غنيم ..حاصل على شهادة البكالريوس في هندسة الحاسبات من كلية الهندسة بجامعة القاهرة عام 2004، كما حصل على شهادة الماجستير في إدارة الأعمال بامتياز من الجامعة الأمريكية بالقاهرة عام 2007.

ويعمل غنيم في مجال الإنترنت منذ عام 1998 حيث قام حينها بإطلاق أحد أكبر المواقع العربية زيارة حتى يومنا هذا، ثم عمل من 2002 إلى 2005 في شركة Gawab.com لخدمات البريد الإلكتروني والتي وصل عدد مشتركيها لأكثر من خمسة ملايين مشترك بالعالم العربي، وفي الفترة من 2005 إلى 2008 قام غنيم بتكوين وإدارة الفريق الذي قام بإنشاء بوابة معلومات مباشر Mubasher.info وهي أكبر بوابة معلوماتية باللغة العربية متخصصة في مجال أسواق المال. كما عمل غنيم كمستشار في العديد من المشاريع مثل مشروع تطوير بوابة الحكومة الإلكترونية بمصر، ومشروع تطوير موقع Sindbadmall.com التجاري. والان وائل غنيم هو مدير تسويق جوجل الشرق الاوسط

وائل غنيم هوا ادمن كلنا خالد سعيد وقد زاد احترامي لها بعد ان عرفت انه هوا من انشأها من مقتل اخونا خالد سعيد في الأسكندريه وله الفضل في

عودة الكثير من

الشباب الي رشدهم وخوفه علي مصلحة بلدهم وانا منهم وهوا السبب في صورة التحرير وخروج الملايين اللي الشوارع لتحقيق مطالبنا وحصولنا علي حريتنا

او  كما بقول التلفزيون المصري خروج بعض من شرذمة قليلون لا تتعدي بضع مئات وان الوضع مسيطر عليه

 

ثانيا ::: قناة الجزيره ::: لماذا تهاجم قناة الجزيره ؟

هنا في مصر كل من هو شريف او يقول الحقيقه فلابد ان يهاجم ويتهم بالخبانه و العماله .. تهاجم لأنها تنقل الأخبار كما هيا دون تزوير دون زياده او نقصان

تهاجم لأنها لا تسير علي نفس نهج التلفزيون المصري تهاجم لأنها تهاجم المسؤولين

اذا فلابد من ان نقف البث .. نقول انها قناة عميله تهدف الا هز و زعزعة استقرار مصر دا علي اساس ان في استقرار اساساً نقول انها قناة مموله

انها قطر تسعي الي خراب مصر كما بقول شخص ما ( ايه يبني بتقول ايه بس الجزيره يعني قطر انت اهبل ولا ايه ؟ ) طيب ايه المشكله بس

( انت ماتعرفش ان قطر عاوزه تخرب مصر ؟ )

لا والله محدش قالي وطلع كمان انها بتتسلق علي مجهود الشباب عشان توصل للحكم .. يعني دلوقتي انا مش عارف احنا بنهاجمها ليه وليه لازم نتفرج علي

التلفزيون المصري ومنتابعش هذه القنوات المضلله مثل الجزيره لأنها تنقل ما يريده المسؤولون وهيا تضليل وتعتيم الحقيقه وببساطه شديده هذا ما يحدث


لا تقول شيئا من الحقيقه

وطيب هيا قناة الجزيره بتجيب و احداث من عندها ؟؟ بتجيب ميدان تحرير من عندها ؟؟ بتجيب 8 مليون مصري نزلو يشاركو في الثوره من عندها ؟؟بتجيب

امن مركزي يضرب المتظاهرين ؟؟ بيجيب ناس بتموت من عندها ؟؟ بتجيب مدرعات تدوس علي المتظاهرين من عندها ؟؟ او عربيات دولاماسيه من عندها تطير

تطير نص المتظاهرين في بلد الواحد ميعرفش يعيش بكرامه ولو بلد فيها كرامه اعتقد ان كان هيكون في تصرف تاني مع موقف زي دا … لاكن انت في مصر

يعني كل اللي نفسو يعمل حاجه يعملها عشان كده بنهاجم قناة الجزيره ونقول انها قناة عميله ….. وانا بحترم القناة دي جدا

 

ثالثا :::: الي من يهاجمون الثوره :::: لماذا تهاجمون ؟؟

اولا هذه ثوره شبابه 100% ولا توجد اي احزاب ورائها كما يقولون ايه ياعم الأخوان ياعم هما اللي عاملين الليه دي وهما اللي عاوزين يخربو البلد عشان

بحكمو البلد لوا اي احزاب اخري ولا البرادعي له مصالح شخصيه في هذا حتي نهاجمه وننشر صور مسيئه له ولكن لنفترض انه عندما اخد قلادة النيل

كنا سعداء به جدا وانه مثال يشرف كل مصري ويستحقها عن جداره اما الن فأنه عميل من امريكا وان امريكا هيا من تحرككه مع اننا نعلم جميعا وعلي يقين

ان امريكا من اكثر المستفيدين من نظام مبارك وانه رجل له اجندته الخاصه ليصل ويتربص بحكم مصرهههههههههههههههه وانه يوميا منذ يوم 25 يناير

يوم الثوره و التحرير يدفع 50 دولاراً لجميع المتظاهرين الشرفاء الذين يعتصمون في ميدان التحرير ليحققو لكم مطالبكم يامن تجلسون تتابعون الأخبار

من القنوات المصريه ومن الفيس بوك و انه ايضا يقوم بأحضار كنتاكي ل 3.5 مليون متظاهر عشان الرشوه ويفضلو هناك في التحرير حتي يتمكن من الحكم

وايضا لا ينسي احضار اللعبه اللي تأتي مع الهابي ميل …. يا جماعه حرام عليكم و اتقو الله شويه ومش كل شويه حد يقول كلام لا اساس له من الصحه

ومن يقول يا جماعه حرام عليكم يعني الراجل (الرئيس ) يعملكم ايه اكتر من كده الراجل يعني يقطه نفسه عشانكم عشان ترضو

ماهوا طلع وقال هايعمل اللي انتو عايزينه وفيها ايه لما تصبرو ال 7 شهور دول ولو معملش حاجه ابقو اعملو ثوره تاني هوا ميدان التحرير هايتنقل ما هوا موجود

ومن يقول والله انا الراجل صعب وعليا وهوا بيقول الخطاب انتو معندكمش قلب ؟؟؟ وفيه اللي يقول خرام عليكم بقي خربتو البلد انتو عاوزين تخلو الناس مش لاقيه تاكل

وكسرتو وحرقتو و اللي يقول يا جماعه عيب دا لو ابوك هاتعمل فيه كده و اللي بيقول يا جماعه الراجل دا من الرموز الوطنيه عيب كده

وانا اقول انه لايشرفني انو يكون ابويا اصلا او اللي بيقول عيب دا ولي الأمر ولازم الطاعه و ليه هوا يستني ومايمشيش بدري ال 7 شهور دول ؟؟

عاوز يقعدهم يعمل ايه ؟ هيصلح اللي خربو في 30 سنه في 7 شهور … ؟

انا هقول هوا عاوز يقعد السبع شهور دول ليه وهتكون في نفس الوقت اجابة سؤال ما تبقو تتظاهرو تاني هوا الميدان هايتنقل

بص يا سيدي انت لو جه واحد وضربك قدامك بيتكو وعمل فيك اللي ما يتعملش .. تمام كده

وبعدها انت عرفت هوا مين وساكن فين …. هاتعمل ايه ؟؟

هقولك هتلم  اصحابك الرجاله كلهم اللي انت عرفتهم من اول ما اتولدت ورجالة الشارع بتاعك وقرايبك تروحلو احد بيتو وتعمل فيه 10 اضعاف اللي عملو

فيك مش بعيد تعلقو مكان اللمبه بتاعة العمود اللي في الشارع عشان تعرفو انت مين وعشان ماينساش نفسه تاني  … صح ولا انا غلطان

هياخد ال 7 شهور دول انتقام من ال 8 مليون واحد اللي نزلو مظاهرات في مصر كلها مش هتشوف حد منهم ماشي في الشارع تاني , البلد هاتخرب اكتر ماهي خربانه

يكون بقي ظيط حاله ويشوف هيقعد في انه يلد من اللي عاين فيهم القصور بتاعته , يكون حول فلوسه , ويكون ظبط نفسه تمام التمام اوي

ال 8 مليون واحد اللي نزلو هايترمو في السجون… هههههههههههههههه .. انت اهيل ياعم الحاج سجون ايه بس اللي يحط فيها 8 مليون

دا واحد معندوش مانع يحط ال 80 مليون مصري في السجون و عشان يفضل مستريح علي الكرسي بتاعه وميتحركش من عليه وشفنا امثله علي كده كتير

فأكيد المشكله مش هتكون في ان الميدان هايتنقل المشكله انكو مش هتلاقو الرجاله الرجاله الرجاله اللي قامو بالثوره دي عشان تعملوها تاني

واكيد اللي مانزلش في دي يقول لا ازاي ياعم ما انا خلاص بقي هكون اتأكدت بقي و هنزل وانا بقول اللي بيعرف الأخبار لسه من التلفزيون وليه منزلش

من بيتو يشارك في الثوره هيفضل طول عمره كده مش هاينزل تاني هيفضل طول عمره عايش كده زي ما تيجي تيجي عايش بالبركه ملوش هدف او

لو له هدف مجرد هدف دنيوي انو يشتغل و يجيب فلوس ويتجوز وخلاص

طيب ما تستنو الوزاره الجديده وشوفو هايعملو ايه ؟؟ اكيد مش هايعملو حاجه لأن بعد ما الوزاره الجديده اتعينت المساجين هربو من السجون بعدها التخريب

كلو حصل البلطجيه نزلو الشوارع السلب و النهب اشتغلو الشرطه انسحبت فجأه والجيش لسه منزلش ؟؟ اكيد مفيش فرصه احسن من دي دا البلطجي اللي ما يستغلش فرصه

زي دي يبقي بلطجي غبي جدااا … بعد الوزاره شوفنا المدرعه وهيا بتشوط الناس في المظاهره شوفنا العربيه الدبلوماسيه وهيا بتدوس وتطير الناس

ياعم ل دا كلو كان الوزاره القديمه دا حتي حصل في يوم كذا الساعه كذا و الوزاره اتعينت بعدها بنص ساعه يعني ملهمش ذنب في اللي حصل .. طيب

ليه اللي عمل كده ما اتحاسبش ليه اللي فتحو السجون للمساجين ما اتحاسبوش , ليه اللي داس علي المتظاهرين سواءً كانت مردعه او اسعاف او دبلوماسيه

ليه ما اتجابش و اتحاسب , ليه اللي قتلو ال 300 شهيد علي مستوي مصر ما اتجابوش واتحاسبو , ليه حبيب العدلي ما اتحاكمش .. ازاي ياعم ما هو اتحفظو علي امواله

وممنوع من السفر هقولك دي كلها فلم معمول علي الناس اللي بتصدق اللي بيتقال زي ما قالو علي رشيد دا ممنوع من السفر و صادرنا وتحفظنا علي الفلوس بتاعته

وطلع بدها اصلا كان مسافر قبلها ب 4 ايام وماعه فلوسه ومظبط نفسه دا دا اللي احنا عرفناه وما خفي كان اعظم

كل الناسي اللي صدقة الرئيس من او خطاب وبعدها هاجمت المتظاهرين بأنهم عملاء و قابضين دول الناس الل يمكنش عندهم اصلا مبدأ مش عارفين

هما ليه او ازاي معندهمش عقديه ثابته عشان يدافعو عنها

 

في كلا كتير جدا عاوز اقولو ممكن اقولو في مواضيع تانيه

 

بس انا فعلا حسيت اني ليا كيان انا بني أدم عايش لهدف مش عايش كده وخلاص حسيت احسن احساس حسيتو بقالي 20 سنه في اختلاف كتير حصل ليا

في حاجات كتير اوي اتغيرت بس اكيد  للأحسنياريت كل الناس اللي نزلت تكون حست نفس الأحساس دا واللي منزلش ياريت يفضل قاعد

في بتهم كده باكل ويشرب وينام و خلاص واو لو عاوز يجرب ويحس الأحساس المختلف دا ويجرب طعم الحريه اكيد ينزل ويشوف

و الناس اللي بتقول بياخدو 50 دولا و كنتاكي ( كنتاكي قافل يا غبي ) ينزل  وكأنو رايح عشان ياخد ال 50 دولار و الكنتاكي بس

لما يروح مياخدش حاجه يرجع يستغفر ربنا و يتوب لأنو ظلم 3.5 مليون شخص بس يرجع تاني يوم وهوا نيتو انو يشارك في التغيير

 

وهكتب الموضوع الجاي ان شاء الله تجربتي في التحرير ومع رجالة التحرير

و السلام عليكم


 
Leave a comment

Posted by on February 8, 2011 in Uncategorized

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

 
%d bloggers like this: